لازانيا باللحمة المفرومة على الطريقة الإيطالية

بسم الله الرحمن الرحيم

لازانيا بولونيز الإيطالية باللحمة المفرومة لصاحبات المزاج العالى

المقادير اللازمة لعمل لازانيا باللحمة المفرومة :

شرائح عجينة معكرونة اللازانيا
جبنه صفرة مبشورة
زبدة لدهن الصينية

مقادير صلصة اللحمة :

أربع ملاعق كبيرة زيت زيتون
حبة بصل مفرومة ناعماً
نصف ملعقة صغيرة ثوم
حبة فليفله خضراء مفرومة ناعماً
حبة فليفله حمراء مفرومة ناعماً
حبة جزر مبشورة
فطر شرحات
نصف كيلو لحمة مفرومة
أربع حبات بندورة وسط مقشرة و مفرومة ناعماً
مكعبان ماجي
ملعقة صغيرة بهارات مشكلة
نصف ملعقة صغيرة قرفة
ملعقتان طعام معجون الطماطم
نصف ملعقة صغيرة دبس فليفلة ( اختياري )
ملعقة صغيرة أوريغانو ( زعتر ورق ناشف )

مقادير صلصة البشاميل :

ستة أكواب حليب
ستة ملاعق طحين أبيض
مكعبان ماجي ( اختياري )
ملح و فلفل أبيض و جوز الطيب
ثلاث ملاعق زبدة

تحضير صلصة اللحمة :

– نقلب البصل و الثوم بالزيت ثم نضيف الجزر و الفليفلة و الفطر و نقلب .
– نضيف اللحمة و نقلب حتى تتلون و يصبح لون اللحم بني ويختفي اللون الأحمر و نتبل بالبهار و القرفة ثم نضيف البندورة و ماجي و الدبس و شوية ماء و ندعها على نار هادئة مدة ربع إلى نصف ساعة حتى تجف نوعاً ما ( سمك الصلصة سيكون وسط يعني مش سائل و مش ناشف تماماً ) .
– نرفعها عن النار و نضيف الأوريغانو .

تحضير صلصة الباشميل :

– لما بتكون صلصة اللحمة على النار بستغلي الوقت و بتعملي البيشاميل .
– نخفق كوبان من الحليب مع الطحين حتى تختفي الكتل .
– نغلي باقي الحليب مع البهارات و مكعب ماجي حتى تمتزج المواد بشكل جيد .
– نضيف مزيج الطحين للحليب الغالي بشكل تدريجي مع التحريك المستمر حتى يغلي الصوص و يبدأ المزيج بالسمك و ندعه مدة 5 د على نار هادئة.
– نضيف الزبدة و نحرك و تصبح الصلصة جاهزة .

طريقة عمل لازانيا باللحمة المفرومة :

– نستخدم أوراق اللازانيا بدون سلق .
– ندهن صينية بيركس بالزبدة و نغطي قاعها بالبيشاميل ونصف فوقه ورق اللازانيا و نغطيها بصلصة اللحمة و فوقه صلصة البيشاميل و نرش الجبنة و نكرر العملية مرتان ثانيتان ثم نغطي الوجه بأوراق اللازانيا و بعده صلصة البيشاميل و أخر شئ نرش الوجه بالجبنة المبشورة , و نزين برشه من زعتر الأوريغانو
– بتقدري تحطي على الوجه مكعبات زبدة صغيرة ( أنا بحط المكعبات بس وقت العزومات ) .
– تخبز في فرن 180 في الطبقة الوسطى من الفرن مدة 30 – 45 دقيقة حتى تنضج .

نصائح لعمل اللازانيا بنجاح :

• أهم نصيحة أنك تتركي اللزانيا كم ساعة قبل ما تحطيها بالفرن , و إذا عملتيها قبل بيوم بيكون كتير أحسن لأن ورق اللازانيا بيشرب من الصلصة و بتكون النكهة أطيب( على فكرة هذه نصيحة عامة بالنسبة للمعكرونة , يعني دائماً بتكون الطعمة أطيب تاني يوم لأن المعكرونة بتشرب النكهات ).
•  أنك تدهني الصينية بالزبدة و الثوم المدقوق كمان بيعطيها نكهة حلوة .
• إذا كنتِ عم تعملي ريجيم بتقدري تستغني عن الزبدة بصلصة البيشاميل , و الطعمة رح تبقى كتير طيبة , و على عكس ما هو معروف المعكرونة بحد ذاتها ما بتنصح , كمان بتقدري تستغني عن الجبنة المبشورة بين الطبقات .
•  بتقدري ترشي على وجه الصينية كعك مطحون ( بقسماط ) لإضافة القرمشة على اللازانيا .
• اتركي فراغات مناسبة بين أوراق اللازانيا لأنها ستكبر بعد النضج و ممكن أن تخرج من الصينية .

صحة وعافية